TITI LIVI AB URBE CONDITA LIBER XCIV PERIOCHA

L. Licinius Lucullus cos. aduersus Mithridaten equestribus proeliis feliciter pugnauit et aliquot expeditiones prosperas fecit poscentesque pugnam milites a seditione inhibuit.

Deiotarus, Gallograeciae tetrarches, praefectos Mithridatis bellum in Phrygia mouentes cecidit.

Praeterea res a Cn. Pompeio in Hispania contra Sertorium prospere gestas continet.